கட்டுப்பாடும் சுதந்திரமும் ! கட்டுப்பாடாய் இருந்தால் தான்                 காக்கமுடியும் சுதந்திரத்தை; எட்டுப்பட்டி யானாலும்                 இந்தியாவே ஆனாலும் விட்டுக் கொடுக்கும் மனத்துடனும்                 விதியை மதிக்கும் பண்புடனும் கட்டுப்பாடாய் இருந்தால் தான்                 காக்க முடியும் சுதந்திரத்தை! கொட்டும் செல்வம் குவித்தவுடன்                 குவலயத்தை மிதிப்பதுவும் ஒட்டிக் கொண்ட இனம்சாதி                 ஒன்றை மட்டும் எண்ணுவதும் மட்டில்லாமல் பேசுவதும்                 மற்றோரையே ஏசுவதும் முட்டுக்கட்டை யாகிடுமே;                 முற்றாய் வீழும் சுதந்திரமே! எட்டுத்திக்கும் இருப்போரை                 […]

வேண்டும்… பயன்நோக்கா பணிசெய்து வாழ்தல் வேண்டும்                 பகுத்துண்டு பல்லுயிர்கள் ஓம்பல் வேண்டும் அயராது இறைத்தொண்டு செய்தல் வேண்டும்                 அன்பாலே பிற உயிரைக் காத்தல் வேண்டும் தயங்காமல் பிறர்க்குதவி அளித்தல் வேண்டும்                 தந்நலத்தை அடியோடு நீக்கல் வேண்டும் வியந்து நமை ஊரார்கள் மெச்ச வேண்டும்                 வாழ்நாளில் புகழோடு வாழ்தல் வேண்டும் கவிஞர்.வ.ஆனையப்பன்

விசித்திரம்… உயரம் என்பது எப்போதும் தரையிலிருந்து தொடங்குவதில்லை.. துயரம் என்பது எப்போதும் எதிரியிடமிருந்து எழுவதில்லை.. இரக்கம் என்பது எப்போதும் செல்வச் செழிப்பிலிருந்து வருவதில்லை… உறக்கம் என்பது எப்போதும் உயர்ந்த மெத்தையிலிருந்து பெறுவதில்லை.. மகிழ்ச்சி என்பது எப்போதும் அடைந்த பணத்திலிருந்து கிடைப்பதில்லை.. புகழ்ச்சி என்பது எப்போதும் அமர்ந்த பதவியிலிருந்து விளைவதில்லை… உலகம் விசித்திரமானது.. கமல. அருள் குமார்