அதிக  ஆயுள்  உள்ள  பெண்கள்..

பெண்கள் ஆண்களை விட பலவீனமானவர்கள். நீண்ட காலம் வாழ்வதில்லை இப்படி ஒரு பொதுக்கருத்து நிலவி வருகிறது இது உண்மையா? இல்லை. உண்மையே இல்லை. பெண்களுக்கு மெதுவாக வயதாகிறதா?  ஆம் என்பதே உண்மை. ஆனால் ஒவ்வொரு வயதிலும் அவர்கள் மிகவும் வலுவாக இருக்கிறார்கள். இதனை விட முரண்பாடாக  பெண்களுக்கு இறப்பு விகிதம் குறைவாக இருந்தாலும், ஆண்களை விட ஒட்டுமொத்த உடல் நோய்களின் விகிதம் அதிகமாக உள்ளது.

பெண்களின் வாழ்நாள்…

மனிதனின் வாழ்நாளைக் கணக்கிட்டால், உலகம் முழுவதுமே பெண்கள்தான்  பொதுவாக ஆண்களை விட நீண்ட நாட்கள் வாழ்கின்றனர்.  2013-17 ஆம் ஆண்டு மதிப்பீட்டின்படி, இந்தியாவில் பெண்களின் சராசரி ஆயுள் 70.4 ஆண்டுகள் ஆண்களின் ஆயுள்: 67.8 ஆண்டுகள். ஆனாலும் கூட இது உலக சராசரியைவிட குறைவே. தமிழ் நாட்டில் பெண்ணின் சராசரி வயது 75. ஆணின் சராசரி:70.9, கேரளத்தில் பெண்களின் சராசரி வயது: 79.2, ஆண் சராசரி வயது: 73.5,

 டெல்லியில் பெண்களின் சராசரி வயது 77, ஆணுக்கு 73.5, உத்தரபிரதேசம் பெண் : 69.1,     ஆண் : 66.9 இந்தியாவில் அதிகமான மனித சராசரி உள்ள மாநிலம் கேரளம். குறைந்த மனித ஆயுள் உள்ள மாநிலம் உத்தரபிரதேசம். உத்தரபிரதேசம் மற்றும் அஸ்ஸாம் தவிர, எல்லா மாநிலங்களிலும், பெண்களின் சராசரி வயது70.

உலக அளவில் பெண்ணின் ஆயுள்

உலக அளவில் 2022-23 ஆண்டுகளில்   மனிதனின் சராசரி ஆயுள்:73.2, பெண்:75.6வயது, ஆண்:70.8; ஜப்பானில், மனித ஆயுள் சராசரி:85.03, பெண்:88.09, ஆண் 81.91.

2020- இல் வெளியிடப்பட்ட கீபிளி தரவுகளின்படி, இந்தியாவில் ஆண்களின் ஆயுட்காலம்: 69.5 ஆண்டுகள்.  பெண்களின் வாழ்நாள் 72.2 ஆண்டுகள் மற்றும் சராசரி 70.8 . டெல்லியில் ஆண்கள் 74.3 வயது மற்றும் கேரளாவில் பெண்கள் 78.0 வயது. அதிக ஆயுட்காலம் கொண்டுள்ளனர்.  அதே சமயம் சத்தீஸ்கரில் ஆண்கள் 63.7 வயது மற்றும் உத்தரபிரதேசத்தில் பெண்கள் 66.2 வயது

இந்தியனின் ஆயுள் கடந்த 50 ஆண்டுகளில்

இந்தியாவில், பிறக்கும் போது ஆயுட்காலம் 1970-75 ஆண்டுகளில் 49.7 ஆக இருந்தது, 2015-19ல் 69.7 ஆக “குறிப்பிடத்தக்க மாற்றத்திற்கு உள்ளாகியுள்ளது”. கடந்த 40 ஆண்டுகளில், 20 ஆண்டுகள் என்று மனித ஆயுள் அதிகரித்துள்ளது. 1970-75-ல் பெண்களுக்கு சராசரி வயது 49.7 ஆக இருந்தது. அதே காலகட்டத்தில் ஆண்களுக்கு 50.5 ஆக இருந்தது. பிறக்கும் போது ஆயுட்காலம் என்பது ஒரு நபர் சராசரியாக எத்தனை ஆண்டுகள் நடைமுறையில் இருக்கும் இறப்பு நிலைமைகளின் கீழ் வாழ்வார் என்று எதிர்பார்க்கப்படுகிறது.

2015-19 காலகட்டத்தில் 

பெண்களின்  அதிக வாழ்நாளுக்கான காரணம் -ஈஸ்ட்ரோஜென் .

1.    பெண்களின் ஹார்மோனில் உள்ள .நோய் எதிர்ப்புச் செயல்பாடு,

2.    ஈஸ்ட்ரோஜனின் பாதுகாப்பு விளைவு, இதயத்தைப் பாதுகாப்பது

3.         X குரோமோசோமின் அதிக நோய்த்தடுப்பு ஈடுசெய்யும் விளைவுகள்,

4.    வளர்ச்சி ஹார்மோனின் செயல்பாட்டில் குறைப்பு

5.    ஈஸ்ட்ரோஜென் கொழுப்பைக் குறைக்கிறது என்று மனித ஆயுளில் பாலின வேறுபாடுகளுக்கு பல கருதுகோள்கள் உள்ளன.

புள்ளிவிவரங்களின்படி பெண்கள் ஆண்களை விட நீண்ட காலம் வாழ்கிறார்களா? காடுகளில் வாழும் பாலூட்டிகளிலும் புதிய ஆய்வு செய்யப்பட்டுள்ளது. பல்வேறு பாலூட்டி இனங்களில் ஆயுட்காலம் மற்றும் வயதானதில் கணிசமான வேறுபாடுகளைக் கண்டறிந்துள்ளனர்.  மனிதர்களில், பெண்களின் ஆயுட்காலம் ஆண்களின் ஆயுட்காலத்தை விட சராசரியாக 8% அதிகமாக உள்ளது.

  உலகெங்கிலும் உள்ள ஆண்களை விட பெண்கள் நீண்ட காலம் வாழ்கிறார்கள். மேலும் விஞ்ஞானிகள் நீண்ட ஆயுளில் உள்ள பாலின வேறுபாடுகளை உயிர்வாழ்வதற்கான உயிரியல்/மரபணுவின் அடித்தளத்துடன் இணைத்துள்ளனர். 

அனைத்து உயிரினங்களிலும் பெண்களே அதிக வாழ்நாள்

மனிதர்களில், பெண்களின் ஆயுட்காலம் ஆண்களின் ஆயுட்காலத்தை விட சராசரியாக 8% அதிகமாகும். ஆனால் காடுகளில் வாழும் பாலூட்டிகளில், ஆய்வு செய்யப்பட்ட 60% இனங்களில் உள்ள பெண்களுக்கு சராசரியாக 18.6% நீண்ட ஆயுட்காலம் உள்ளது. பாலூட்டிகளின் வெவ்வேறு குழுக்களுக்கு விகிதம் கணிசமாக வேறுபட்டது.

பிரான்சில் உள்ள லியோன்    பல்கலைக்கழகத்தைச் சேர்ந்த Jean-Francois Lemaitre   என்ற விஞ்ஞானியின் தலைமையிலான சர்வதேச விஞ்ஞானிகள் குழு, காட்டு பாலூட்டி இனங்களின் மற்றும் மக்களுக்கு வயது தொடர்பான இறப்பு பற்றிய தகவல்களை சேகரித்தது.

“வாழ்க்கையில் இந்த பாலின இடைவெளி பெரும்பாலும் மனிதர்களில் காணப்பட்டதை விட அதிகமாக இருப்பதைக் கவனிப்பது ஆச்சரியமாக இருந்தது. அதே நேரத்தில், உயிரினங்கள் முழுவதும் மிகவும் மாறக்கூடியது” என்று லெமாட்ரே தகவல் தெரிவித்துள்ளார்.

“உதாரணமாக, ஆண் சிங்கங்களை விட சிங்கங்கள் காடுகளில் குறைந்தது 50% நீண்ட காலம் வாழ்கின்றன” என்று ஆய்வின் ஆசிரியர்களில் ஒருவரான பாத் பல்கலைக்கழகத்தைச் சேர்ந்த Tamas Szekely கூறினார்.

ஆண்களை விட பெண்கள் தொடர்ந்து நீண்ட காலம் வாழ்ந்தாலும், உயிரினங்கள் முழுவதும் உள்ள பெண்களை விட ஆண்களில் இறப்பு ஆபத்து வேகமாக அதிகரிக்காது என்று விஞ்ஞானிகள் கண்டறிந்துள்ளனர்.எனவே, விலங்குகள் வாழும் சுற்றுச்சூழல் நிலைமைகள் மற்றும் பாலின-குறிப்பிட்ட வளர்ச்சி, உயிர்வாழ்வு மற்றும் இனங்களின் இனப்பெருக்கம் போன்ற பிற சிக்கலான காரணிகள்  இருக்க வேண்டும் என்று அவர்கள் கூறுகிறார்கள்.

ஆண்களுக்கு சூழல் பாதிப்பு..

ஆண்கள் அதிக சுற்றுச்சூழல் நோய்க்கிருமிகளுக்கு ஆளாகக்கூடும் என்று ஆய்வின் ஆசிரியர்கள் கூறுகிறார்கள்..

200 ஆண்டுகளில் மனித வாழ்நாள் அதிகரிப்பு..

கடந்த 200 ஆண்டுகளில், மேம்பட்ட வாழ்க்கை நிலைமைகள் மற்றும் நவீன மருத்துவத்தின் முன்னேற்றங்கள் காரணமாக மனிதர்களின் சராசரி ஆயுட்காலம் இருமடங்காக அதிகரித்துள்ளது. ஆயினும்கூட, பெண்கள் ஆண்களை விட நீண்ட காலம் வாழ்கிறார்கள், உயிரியல்/மரபணு வேறுபாடுகளும் இதற்கான ஒரு பங்கைக் கொண்டுள்ளன. நோய்க் கட்டுப்பாட்டுக்கான அமெரிக்க மையங்களின்படி, சராசரி அமெரிக்க ஆண் 76 வயது வரை வாழ்வார்,  பெண் 81 வயது வரை வாழ்வார்.

 உயிரியல் மற்றும் சமூக வேறுபாடுகளின் கலவையின் காரணமாக இந்த இடைவெளி இருப்பதாக நிபுணர்கள் கருதுகின்றனர்.

 ஆண் ஆயுள் குறைவு

ஆண்களின் டெஸ்டோஸ்டிரோன் ஹார்மோன் அவர்களின் நோயெதிர்ப்பு அமைப்பு குறைவதோடு, வயதாகும்போது இருதய நோய்களின் அபாயத்துடன் இணைக்கப்பட்டுள்ளது.மேலும் ஆண்களின்  புகைபிடித்தல், குடிப்பழக்கம் மற்றும் ஆரோக்கியமற்ற உணவுப்பழக்கம். போன்றவற்றாலும் ஆயுள் குறைவதாக கருதுகின்றனர்., மருத்துவரின் ஆலோசனையைப் பின்பற்றுவதில் பெண்களை விட ஆண்கள் குறைவாகவே உள்ளனர். ஆண்கள் உயிருக்கு ஆபத்தான செயல்களில் ஈடுபடுவதும், கார் விபத்துக்கள் அல்லது துப்பாக்கிச் சண்டைகளில் இறப்பதற்கும் அதிக வாய்ப்புகள் இருப்பதாக புள்ளிவிவரங்கள் காட்டுகின்றன.

புதிய ஆய்வின்படி ஆய்வாளர்கள், ஆண் மற்றும் பெண் நீண்ட ஆயுளுக்கு இடையிலான வேறுபாடுகள்.. உள்ளூர் சுற்றுச்சூழல் நிலைமைகள் மற்றும் பாலின-குறிப்பிட்ட இனப்பெருக்க உயிரியல் ஆகியவற்றுக்கு இடையேயான சிக்கலான தொடர்புகளால் வடிவமைக்கப்பட்டுள்ளன என்று கூறுகிறார்கள்.

   “இரு பாலினருக்கும் முதுமையின் அடிப்படையிலான பரிணாம வேர்கள் மற்றும் உடலியல் பற்றிய புதுமையான நுண்ணறிவுகளை” அதிக ஆராய்ச்சி வழங்க வாய்ப்புள்ளது என்று அவர்கள் கூறுகிறார்கள்.

வரலாற்று ரீதியாக, உலகில் உள்ள எல்லா நாடுகளிலும் ஆண்களை விட பெண்கள் நீண்ட காலம் வாழ்ந்துள்ளனர். நீண்ட ஆயுளில் இதேபோன்ற பாலின வேறுபாடுகள் பல இனங்களிலும் காணப்படுகின்றன;

சில நாடுகளில் பத்தாண்டுக்கும் அதிகமாக பெண்களின் வயது ஆண்களை விட அதிகம்.

பஞ்சத்திலும் உயிர் பிழைக்கும் பெண்கள்..

இப்போது, கடந்த மூன்று நூற்றாண்டுகளின் வரலாற்றுப் பதிவுகள் மூலம் அறியும் தகவல்கள் : பெண்கள் சாதாரண காலங்களில் ஆண்களை விட அதிகமாக வாழ்வதில்லை என்பதைக் காட்டுகின்றன. ஆனாலும் கூட அவர்கள் பஞ்சம் மற்றும் தொற்றுநோய்கள் போன்ற மோசமான சூழ்நிலைகளில் கூட உயிர்வாழ வாய்ப்பு அதிகம் என்று ஆராய்ச்சியாளர்கள் தெரிவிக்கின்றனர். ஆயுட்காலம் பாலின இடைவெளியில் பெரும்பாலானவை இளமைப் பருவத்தை விட குழந்தை பருவத்தில் ஒரு பெண் உயிர்வாழும் தன்மை அதிகம்  இருந்தது, இக்கட்டான காலங்களில், புதிதாகப் பிறந்த பெண் குழந்தைகள், பிரச்சினைகள் இருப்பினும் கூட  ஆண் குழந்தைகளை விட உயிர் பிழைக்க அதிக வாய்ப்பு உள்ளது என அறிவியலாளர்கள் தெரிவிக்கின்றனர்..

மரபணுவா ?மரபணுவா? .

மனித ஆயுட்காலத்தின் சுமார் 25 % மாறுபாடு என்பது  மரபியல் மூலம் தீர்மானிக்கப்படுகிறது என்று மதிப்பிடப்பட்டுள்ளது.  ஆனால் எந்த மரபணுக்கள் மற்றும் அவை நீண்ட ஆயுளுக்கு எவ்வாறு பங்களிக்கின்றன என்பது இன்னும் நன்கு புரிந்து கொள்ளப்படவில்லை.

குழந்தைகளின் ஆயுள், என்பது, தந்தையை விட அன்னையிடமிருந்து தான் அவர்களின் பெற்றோரின் நீண்ட ஆயுளைக் கணிப்பதாக இந்த ஆய்வு காட்டுகிறது. மனிதனின் Y குரோமோசோம் என்பது X குரோமோசோமின் நீளத்தில்  மூன்றில் ஒரு பங்கு அளவுதான் உள்ளது. மேலும் Y குரோமோசோம்  70-400 மரபணுக்களைக் கொண்டுள்ளது, X குரோமோசோமில் சுமார் 900 -2400 மரபணுக்கள் உள்ளன.

– முனைவர் மோகனா, பழனி