கன்னியாகுமரி மாவட்டம் இயற்கை எழில், சமயம், பண்பாடு, கல்வி, சமூக இயக்கங்கள் எனப் பல்வேறு சிறப்புகளைக் கொண்டது. ஆனால் அந்தப் பெருமைகளின் பின்னால் புதைந்து கிடக்கும் வரலாற்றுச் செய்திகளையும், கல்வி நிறுவனங்களின் வளர்ச்சிப் பாதையையும் ஒருங்கிணைத்து அறிமுகப்படுத்தும் நூல்கள் குறைவு. அந்தக் குறையை ஓரளவு நிறைவு செய்யும் முயற்சியாக முனைவர் சி. ஆமோஸ் மற்றும் இ. மாரியப்பன் ஆகியோர் எழுதியுள்ள “கன்னியாகுமரி மாவட்ட தொன்மை வரலாறு” நூ

ல் அமைந்துள்ளது.

152 பக்கங்களைக் கொண்ட இந்நூல், கன்னியாகுமரி மாவட்டத்தின் வரலாற்றுப் பின்னணியை மட்டும் பதிவு செய்யாமல், கல்வி நிறுவனங்கள், கல்வெட்டுகள், சமணப்பள்ளிகள், சுதந்திரப் போராட்டம், சமூகச் சீர்திருத்தப் பணிகள், முக்கிய வரலாற்று ஆளுமைகள், ஆய்வுக்கட்டுரைகள் உள்ளிட்ட பல்வேறு தளங்களைத் தொட்டுச் செல்கிறது.

நூலின் உள்ளடக்கத்தைப் பார்க்கும்போது, “கன்னியாகுமரி மாவட்ட அறிமுகம்”, “ஊர் வரலாறு”, “கல்வெட்டு தனித் தரவுகள்”, “சமணப்பள்ளிகள்”, “சுசீந்திரம் தனித்துவ வரலாறு”, “கல்வெட்டுகளில் ஊர் பெயர்கள்”, “பல்சமய வளர்ச்சி”, “திருவிதாங்கூர் மன்னர்கள்”, “கோட்டைகளின் சுவையான வரலாறு”, “சமுதாயப் பெரியோர்”, “ஆய்குல மன்னர்கள்”, “கொக்கருந்திந்தக்கனின் ஹாஜூர் செப்பேடுகள்”, “கன்னியாகுமரி வரலாற்றைக் கூறும் நூல்கள்” என 13 தலைப்புகளில் நூல் அமைந்திருப்பது குறிப்பிடத்தக்கது.

குறிப்பாக கல்வெட்டுகள் மற்றும் செப்பேடுகள் போன்ற முதன்மை வரலாற்று ஆதாரங்களைப் பற்றிய பதிவுகள் இந்நூலுக்கு சிறப்பைச் சேர்க்கின்றன. வரலாறு என்பது மன்னர்களின் ஆட்சிக்காலத்தை மட்டும் பதிவு செய்வதல்ல; ஒரு பகுதியின் ஊர்ப்பெயர்கள், கல்வி நிறுவனங்கள், சமூக மாற்றங்கள், மக்களின் வாழ்வியல், சமயப் பின்னணிகள் ஆகியவற்றையும் உள்ளடக்கியது என்பதை ஆசிரியர்கள் உணர்த்துகின்றனர்.

கல்வி வரலாற்றைப் பதிவு செய்யும் பகுதிகளும் கவனிக்கத்தக்கவை. திருநெல்வேலி மிஷன், கல்லூரிகள், பள்ளிகள் மற்றும் கல்விப் பணியில் ஈடுபட்ட ஆளுமைகள் குறித்த செய்திகள் மூலம், கன்னியாகுமரி மாவட்டத்தில் கல்வி எவ்வாறு வளர்ச்சி பெற்றது என்பதற்கான ஒரு வரலாற்றுப் பாதை வாசகர்களுக்குத் திறக்கப்படுகிறது. சமூக சேவையிலும் கல்விப் பணியிலும் சிறந்து விளங்கியவர்களின் பங்களிப்புகளும் பதிவு செய்யப்பட்டுள்ளன.

நூலின் மற்றொரு முக்கிய அம்சம், வரலாற்றை வெறும் கடந்த காலச் செய்தியாகப் பார்க்காமல், இன்றைய தலைமுறையுடன் தொடர்புபடுத்தும் முயற்சி ஆகும். பழைய நிகழ்வுகள், கல்வி நிறுவனங்கள், சமூகப் பணிகள், வரலாற்றுச் சின்னங்கள் ஆகியவற்றை அறிந்து கொள்வது இன்றைய தலைமுறைக்கு தங்கள் மண்ணின் அடையாளத்தைப் புரிந்துகொள்ள உதவும்.

நூலின் மொழிநடை எளிமையாக அமைந்துள்ளதால் வரலாற்று ஆர்வலர்கள் மட்டுமின்றி மாணவர்கள், ஆசிரியர்கள், ஆய்வாளர்கள் மற்றும் கன்னியாகுமரி மாவட்டத்தின் வரலாற்றில் ஆர்வம் கொண்ட பொதுவாசகர்களும் படித்துப் பயன்பெறக்கூடியதாக உள்ளது. குறிப்பாக கன்னியாகுமரி மாவட்டத்தின் உள்ளூர் வரலாற்றை அறிந்து கொள்ள விரும்புவோருக்கு இந்நூல் ஒரு பயனுள்ள தொடக்க ஆதாரமாக அமைகிறது.

“ வரலாற்றுச் செய்திகளைத் தொகுத்து ஆவணப்படுத்திய ஆசிரியர்களின் முயற்சி பாராட்டத்தக்கது.

பக்கங்கள்: 152 | விலை: ரூ.100/-