– முனைவர் மோகனா, பழனி

“புதிய கண்டுபிடிப்பு  புதிய அறிவியல் ஒளி”

வயிறு வீங்குகிறதா லேசாக  சுற்றளவில்….!

நமக்கு வயதாகும்போது, காலம் நம் தலைமுடியில் நரையை மட்டும் வரைவதிது இல்லை.  மிக அமைதியாக நம் இடுப்பைச்சுற்றி, புதிய வளையம் உருவாகிறது. .வயதானால் இது சகஜம்தானே என்கிறீர்களா? உண்மைதான்.  பலருக்கு வயது கூடக் கூட,  உடல் எடை பெரிதாக மாறாமல், வயிற்றுப் பகுதி மட்டும் மெதுவாக பலூன் போல பருத்து விடுகிறது .அனுபவம். இது வெறும் மாயத் தோற்றமல்ல. அதிகரிக்கும் வயிற்றுக் கொழுப்பு, உடலின் வளர்சிதை மாற்ற வேகம் குறைத்து, முதுமையை விரைவுபடுத்தும் வகை-2 நீரிழிவு, இதய நோய்கள், நீண்டகால உடல்நலப் பிரச்சினைகளும் வரும்..

வயதாகும்போது உடல் அமைப்பில் மாற்றங்கள் ஏற்படும் என்பது அறிவியல் உண்மை ஆனால், ஏன் குறிப்பாக வயிற்றுப் பகுதியில் மட்டும் கொழுப்பு அதிகமாகச் சேர்கிறது? என்ற வினாவுக்கு, இதுவரை தெளிவான விடைஇல்லை. 

City of Hope-ன் அற்புதமான ஆய்வு

அந்த மர்மத்திரையை விலக்கும் வகையில், City of Hope  ஆய்வு மைய, ஆய்வாளர்கள் ஒரு முக்கியமான உயிரியல் காரணத்தைக் கண்டறிந்துள்ளனர். இந்த தகவல் உலகின் முன்னணி அறிவியல் இதழான  அறிவியல் (Science) என்ற பத்திரிகையில் 2026,,ஜூன் 27 அன்று வெளியானது. இந்த ஆய்வு, சொல்வதாவது; “வயது அதிகரிக்கும்போது புதிதாக தோன்றும் ஒரு தனித்துவமான ஸ்டெம் செல் (Stem Cell) வகை, புதிய கொழுப்பு செல்களை வேகமாக உருவாக்கி, வயிற்றுப் பகுதிக்குக் கொண்டு போகிறது என்ற உண்மை, வெளிச்சத்திற்கு வந்துள்ளது .

இந்தக் கண்டுபிடிப்பு, எதிர்காலத்தில் வயிற்றுக் கொழுப்பைக் கட்டுப்படுத்தும் புதிய மருத்துவ சிகிச்சைகளுக்கு அடித்தளமாக அமையக்கூடும்.

ஆய்வின் இணைத் தலைமை ஆய்வாளரான டாக்டர் கியோங் (அன்னபெல்) வாங்கின் கருத்து :”வயது அதிகரிக்கும்போது, உடல் எடை மாறாமல் இருந்தாலும், பலருக்குத் தசைச் சதை குறைந்து, உடல் கொழுப்பு அதிகரிக்கிறது. வயது முதிர்வால், புதிய வகை வயதுவந்த ஸ்டெம் செல்கள் தோன்றி, குறிப்பாக வயிற்றுப் பகுதியில் புதிய கொழுப்பு செல்களை மிக வேகமாக உருவாக்கும் திறன் பெறுகின்றன:”  என்ற கண்டுப்டிப்பைக் கூறினார்.

பெரிதாவது கொழுப்பு செல்கள் மட்டுமல்ல; புதிதாகப் பிறக்கும் கொழுப்பு செல்களும்!

இந்த ஆய்வில் UCLA  விஞ்ஞானிகளும் இணைந்து செயல்பட்டனர். முதலில் எலிகளில் மேற்கொள்ளப்பட்ட பரிசோதனைகள், பின்னர் மனித உடல் திசுக்களிலும் உறுதிப்படுத்தப் பட்டன.

வெள்ளைக் கொழுப்பு திசு 

ஆராய்ச்சியாளர்கள் கவனம் செலுத்தியது வெள்ளைக் கொழுப்பு திசு (White Adipose Tissue – WAT) மீதுதான். ஏனெனில், உடலில் அதிகப்படியான ஆற்றலைச் சேமிக்கும் முக்கியமான இடம் இதுவே. உடல் எடை அதிகரிப்பதற்கும், குறிப்பாக வயிற்றுப்பகுதி  கொழுப்பு சேர்வதற்கும் இந்தத் திசுவே முக்கியக் காரணம்.

இதுவரை, வயதானவர்களின் உடலில் இருக்கும் கொழுப்பு செல்கள் வெறுமனே அளவில் பெரிதாகின்றன என்பதே பொதுவான கருத்தாக இருந்தது.

ஆனால், இந்த ஆராய்ச்சியாளர்கள் வேறொரு சந்தேகத்தை எழுப்பினர்.

“ஏற்கனவே உள்ள கொழுப்பு செல்கள் பெரிதாவதோடு மட்டுமின்றி, தொடர்ந்து புதிய கொழுப்பு செல்களையும் உருவாக்குகிறதா?”

இந்த வினாவின் விடை தேடி, அவர்கள் Adipocyte Progenitor Cells (APCs) எனப்படும் முன்னோடி ஸ்டெம் செல்களை ஆய்வு செய்தனர். இவை பின்னர் முழுமையான கொழுப்பு செல்களாக வளரக்கூடியவை.

வயதான ஸ்டெம் செல்களின் அசாதாரண சக்தி: இளம் எலிகளிடமிருந்தும், வயதான எலிகளிடமிருந்தும் APC செல்களை எடுத்து, இளம் எலிகளின் உடலில் மாற்றிப் பொருத்தினர். விளைவு: அனைவரையும் வியப்பில் ஆழ்த்தியது.

வயதான எலிகளிடமிருந்து எடுக்கப்பட்ட APC செல்கள், ஏராளமான புதிய கொழுப்பு செல்களை உருவாக்கின. மாறாக, இளம் எலிகளின் APC செல்களை வயதான எலிகளுக்குள் செலுத்தியபோது, மிகக் குறைந்த அளவிலேயே புதிய கொழுப்பு செல்கள் உருவாயின. இதிலிருந்து, அதிக கொழுப்பை உருவாக்கும் ஆற்றல் உடலின் வயதினால் அல்ல; வயதான APC செல்களுக்குள்ளேயே பதிந்திருக்கும் இயல்பாகும் என்பது தெளிவானது.

 நவீன தொழில்நுட்பம்

இதன் பின்னணியை அறிய ஒவ்வொரு செல்லின் மரபணு செயல்பாட்டையும் தனித்தனியாக ஆய்வு செய்யும் Single-cell RNA Sequencing என்ற நவீன தொழில்நுட்பத்தை ஆராய்ச்சியாளர்கள் பயன்படுத்தினர்.  அதில் இளம் எலிகளில் APC செல்கள் அமைதியாக இருந்தன. ஆனால் நடுத்தர வயதை அடைந்த எலிகளில், அவை திடீரெனச் செயல்பட்டு எண்ணற்ற புதிய கொழுப்பு செல்களை உருவாக்கத் தொடங்கின.

  இதுகுறித்து ஆய்வின் மூத்த ஆராய்ச்சியாளரானஆய்வாளர்,டாக்டர் அடோல்ஃபோ கார்சியா-ஒகானாவின் கருத்து; “பெரும்பாலான வயதுவந்த ஸ்டெம் செல்களின் வளர்ச்சி திறன், வயது அதிகரிக்கும்போது குறைகிறது. ஆனால் கிறிசி செல்களில் அதற்கு நேர்மாறான மாற்றம் நிகழ்கிறது. வயது கூடக் கூட, அவை மேலும் வலிமை பெற்று, பல்கிப் பெருகி புதிய கொழுப்பு செல்களை உருவாக்கும் திறனை அடைகின்றன. வயிறு பெரிதாவதற்குக் காரணம், இந்த APC செல்களின் அதிகப்படியான புதிய கொழுப்பு உற்பத்தியே என்பதை முதன்முறையாக இந்த ஆய்வு நிரூபித்துள்ளது.”

வயிற்றுக் கொழுப்பின் மறைவாயில் திறந்த புதிய செல்கள்: இரண்டாம் பகுதி

வயதுடன் பிறக்கும் புதிய ஸ்டெம் செல் – CP-As::

ஆனால், ஆயவாளர்களை வியப்பில் ஆழ்த்திய கண்டுபிடிப்பு இன்னொன்று. வயது ஆகும்போது, APC செல்கள் வெறுமனே அதிகச் செயல்பாட்டுடன் இயங்கவில்லை;  அவற்றில் சில, முற்றிலும் புதிய ஒரு ஸ்டெம் செல் வகையாக மாறின.

புதிய செல்களான, ” Committed Preadipocytes

 அந்த புதிய செல்களுக்கு ” Committed Preadipocytes – Age-specific (CP-As)” எனப் பெயரிடப்பட்டது. இவை வயது முதிரும் காலகட்டத்தில் உருவாகின்றன. அது மட்டுமல்ல; சாதாரண முன்னோடி செல்களைவிட மிக அதிக திறனுடன் புதிய கொழுப்பு செல்களை உருவாக்குகின்றன.இந்த புதிய செல்களின் தோற்றமே, வயது அதிகரிக்கும் போது வயிற்றுக் கொழுப்பு ஏன் வேகமாக பெருகுகிறது என்பதற்கான முக்கிய உயிரியல் விளக்கமாக இருக்கலாம் என்று ஆய்வாளர்கள் கருதுகின்றனர்.

கொழுப்பை உருவாக்கும் “கட்டளைச் சமிக்ஞை” LIFR

இந்த மாற்றத்திற்குப் பின்னால் எந்த உயிரியல் கட்டளைச் சமிக்ஞை செயல்படுகிறது என்பதை அறிய ஆராய்ச்சியாளர்கள் தொடர்ந்து ஆய்வு செய்தனர்.அப்போது, Leukemia Inhibitory Factor Receptor (LIFR) என்ற உயிரணு சமிக்ஞைப் பாதை மிக முக்கிய பங்கு வகிப்பது கண்டறியப்பட்டது.உடலிலுள்ள உயிரணுக்கள் ஒன்றுக்கொன்று தகவல்களைப் பரிமாறிக் கொள்ளும் மொழியே இந்தச் சமிக்ஞைப் பாதைகள். அவை எந்த செல் எப்போது வளர வேண்டும், எப்போது அமைதியாக இருக்க வேண்டும் என்பதை வழிநடத்துகின்றன. ஆய்வில், LIFR சமிக்ஞை, CP-As செல்களை வேகமாகப் பெருக்கி, அவற்றை புதிய கொழுப்பு செல்களாக மாற்றும் முக்கிய இயக்கியாக இருப்பது தெரியவந்தது.

 ஆய்வு குறித்து டாக்டர் கியோங் (அன்னபெல்) வாங்.” “உடலில் புதிய கொழுப்பு செல்கள் உருவாகும் செயல்முறையை லிமிதிஸி வழிநடத்துகிறது என்பதை நாங்கள் கண்டறிந்துள்ளோம். இளம் எலிகளில் இந்தச் சமிக்ஞை அவசியமில்லை. ஆனால் வயதான எலிகளில் சிறி-கிs செல்கள் புதிய கொழுப்பு செல்களை உருவாக்கவும், வயிற்றுக் கொழுப்பை விரிவாக்கவும் லிமிதிஸி இன்றியமையாததாக உள்ளது.” எனத் தெரிவிக்கிறார் மனிதர்களிலும் இதே செல்கள்.

மனிதர்களிடமும் இதே செல்கள் கண்டறிப்பட்டன. இந்தக் கண்டுபிடிப்பு எலிகளுக்கு மட்டுமா? மனிதர்களுக்கும் பொருந்துமா?இந்தக் கேள்விக்கான விடையைத் தேடி, வெவ்வேறு வயதுடைய மனிதர்களின் கொழுப்புத் திசு மாதிரிகளையும் ஆராய்ச்சியாளர்கள் ஆய்வு செய்தனர். அதே Single-cell RNA Sequencing தொழில் நுட்பத்தின் உதவியுடன் மேற்கொள்ளப்பட்ட இந்த ஆய்வில், CP-As செல்களை மிகவும் ஒத்த செல்கள் மனிதர்களின் உடலிலும் இருப்பது கண்டறியப்பட்டது.

எவ்வகை மனிதர்களிடம்..?

குறிப்பாக, நடுத்தர வயதினரின் கொழுப்புத் திசுக்களில் இந்த செல்கள் அதிக அளவில் காணப்பட்டன. அதுமட்டுமின்றி, அவையும் புதிய கொழுப்பு செல்களை உருவாக்கும் திறனில் மிகவும் வலிமையானவை என்பது உறுதியானது. இதனால், எலிகளில் கண்டறியப்பட்ட இந்த உயிரியல் செயல்முறை, மனிதர்களிடமும் நிகழக்கூடும் என்ற வலுவான ஆதாரம் கிடைத்துள்ளது.

எதிர்கால சிகிச்சைகளுக்கான புதிய கதவு

இந்த ஆய்வு இன்னும் தொடக்க நிலையிலேயேஉள்ளது. ஆனால்,, வயது சார்ந்த உடல் பருமனை எதிர்கொள்ள, புதிய இலக்கை அறிவியலுக்கு வழங்கியுள்ளது. இனிமேல், CP-As செல்கள் உடலில் எவ்வாறு செயல்படுகின்றன என்பதை மேலும் விரிவாக ஆராயவும், அவற்றின் வளர்ச்சியைத் தடுக்கவோ அல்லது அவற்றைத் தேர்ந்தெடுத்து நீக்கவோ முடியும். இது தொடர்பான மருத்துவ முறைகளை உருவாக்கவும் விஞ்ஞானிகள் திட்டமிட்டுள்ளனர்.

வெற்றி மீது வெற்றி வந்து…!

அது வெற்றியடைந்தால், வயது அதிகரிக்கும் போது இயல்பாக ஏற்படும் வயிற்றுக் கொழுப்பு சேர்வைத் தடுக்கவும், வளர்சிதை மாற்றக் கோளாறுகளைக் குறைக்கவும், ஆரோக்கியமான முதுமையை உருவாக்கவும் புதிய சிகிச்சைகள் உருவாகும் வாய்ப்பு உள்ளது.

டாக்டர் கியோங் (அன்னபெல்) வாங்கின் கருத்து:  “வயது சார்ந்த உடல் பருமனைக் கட்டுப்படுத்த, புதிய கொழுப்பு செல்கள் உருவாகும் செயல்முறையைப் புரிந்துகொள்வது மிகவும் முக்கியம். CP-As செல்கள் எவ்வாறு உருவாகின்றன, அவை வளர்சிதை மாற்ற நோய்களில் என்ன பங்கு வகிக்கின்றன என்பதை முழுமையாக அறிந்துகொண்டால், வயிற்றுக் கொழுப்பைக் குறைத்து, மனிதர்களின் ஆரோக்கியத்தையும் ஆயுளையும் மேம்படுத்தும் புதிய மருத்துவ வழிகள் உருவாகும்.”என்பதே.

நிறைவாக ..

காலம் நம் உடலில் பதிவிடும்,மாற்றங்கள், வெளிப்படையாகத் தெரியும்.உடல் தோல்  சுருக்கம்,. நரையில் மட்டுமல்ல; ஒவ்வொரு உயிரணுவின் அமைதியான செயல்பாட்டிலும் எழுதப்பட்டுள்ளன.அந்த அமைதியான மொழியை அறிவியல் இன்று கொஞ்சம் கூடுதலாகப் புரிந்துகொள்ளத் தொடங்கியுள்ளது.

“வயது ஏன் வயிற்றை பெருக்குகிறது?” என்ற பல ஆண்டுகளாக விடையின்றி தவித்த இந்த வினாவுக்கு, இந்த ஆய்வு முதன்முறையாக ஒரு உறுதியான உயிரியல் விளக்கத்தைத் தந்துள்ளது. இது இறுதியான விடையல்ல; ஆனால், நாளைய மருத்துவ உலகம் தொடர்ந்து முன்னோக்கிச்  செல்லும் புதிய பாதையின் முதல் ஒளிக்கீற்று என்பதில் ஐயமில்லை.

கருத்து உதவி :

City of Hope. “Scientists discover what triggers belly fat as we age.

” Science Daily. Science Daily, 27 June 2026..