பழனி அரங்கசாமி

சித்த மருத்துவச் சிந்தனைக் குறிப்புடன்

வர்ம அறிவியல் வண்டமிழ் வளமொடு

சிறுகதை கட்டுரை சிறப்பொடு திகழும்

குமரியின் தென்றல் குன்றாது வாழியவே!

அரசியல் சூழல் அணுகிட விடாமல்

நேர்மை நெறிநின்று வாய்மை வழி நடந்து

சட்டங்கள் வழிகாட்டிச் சரித்திரம் படைத்திடும்

தென்குமரித் தென்றல் திசையெங்கும் வாழியவே!

சுற்றுச்சூழலொடு அறிவியல் கருத்துக்கள்

வரலாறு புதினம் வளமான கவிதையொடு

திங்களில் வீசிடும் தங்கத்தமி¢ழ்த் தென்றல்

பொங்கிடும் புத்துணர்வாய் பொன்றாது வாழியவே!

அனைவர்க்கும் பயன்தரும் அருங்கலைப்பெட்டகமாய்

கலைக்களஞ்சியம் இதுவென கருதிடும் பெருநிலையில்

மலையென வளர்ந்திடும் மாசாறு தென்றல்

நிலைகுலையாப் பெருநிலையில் நெடுங்காலம் வாழியவே!

திறமான தாளும், தெளிவான அச்சும்

தென்றலின் சுவையைத் தந்திடு கருத்தும்

நின்றிடும் நேர்த்தியில் நெஞ்சைப் பறிகொடுத்த

நேயர் நான் கரம்கூப்பி நிறைமனதாய் வாழ்த்துகிறேன்.