உறவுகளே இல்லாத உலகமாக உருமாறும் நாள்களையே காண்கின்றோமே; பிறந்திட்ட பிள்ளையெலாம் வளர்ந்த பின்னர் பெற்றோரை தள்ளிடுவர் படுகுழிக்குள்; சிறந்திட்ட கல்விதனில் தேர்ந்த பின்னர் செல்கின்றார் எங்கெங்கோ செல்வம் சேர்க்க; உறவுசுற்றம் யாவினையும் நீக்கி வைத்தே ஒரு வட்டத்துள்ளெங்கோ சுழலுகின்றார் ! பறக்கின்ற வரையிங்கே பாதுகாக்கும் பறவைகளின் வாழ்வையின்று மாந்தர் கொண்டார்; சிறகிங்கே முளைத்தவுடன் பிரிந்து செல்லும் செல்வமக்கள் உறவறுக்கும் நிலையைக் காண்பார்; நறவென்று நினைத்திங்கே வளர்த்ததெல்லாம் நச்சாக ஆனதென வருந்துகின்றார்; விறகடுக்கில் வேகின்ற நேரத்தும்தம் வித்தான மக்களையே […]